പാർലമെന്റ് പിരിച്ചുവിടലിനെ ചോദ്യം ചെയ്ത കേസ് ഫെഡറൽ കോടതി തള്ളി;

കനേഡിയൻ പ്രധാനമന്ത്രി ജസ്റ്റിൻ ട്രൂഡോയ്ക്ക് വീണ്ടുമൊരു നിയമ വിജയം! പാർലമെന്റ് മാർച്ച് 24 വരെ പിരിച്ചുവിടാനുള്ള അദ്ദേഹത്തിന്റെ തീരുമാനത്തിനെതിരായ നിയമ വെല്ലുവിളി ഫെഡറൽ കോടതി തള്ളിക്കളഞ്ഞു.
നോവ സ്കോഷ്യയിലെ രണ്ട് പൗരന്മാർ നൽകിയ ഹർജിയിൽ, ഗവർണർ ജനറൽ മേരി സൈമണിനോട് പാർലമെന്റ് പിരിച്ചുവിടാൻ ഉപദേശിച്ച ട്രൂഡോയുടെ നടപടിക്ക് “ന്യായമായ കാരണങ്ങൾ” ഇല്ലെന്നും, ഭരണഘടനാപരമായ പ്രവർത്തനങ്ങളെ തടസ്സപ്പെടുത്തുന്നതാണെന്നും ആരോപിച്ചിരുന്നു.
എന്നാൽ ചീഫ് ജസ്റ്റിസ് പോൾ ക്രാംപ്റ്റൺ, ട്രൂഡോയുടെ തീരുമാനം ഭരണഘടനയുടെ പരിധിക്കുള്ളിലാണെന്ന് വിധിച്ചു. “പാർലമെന്റ് പിരിച്ചുവിടലിന്റെ യോഗ്യത ചോദ്യം ചെയ്യുന്നത് കോടതിയുടെ ചുമതലയല്ല, അത് വോട്ടർമാരിൽ നിക്ഷിപ്തമാണ്” എന്ന് ജഡ്ജി പറഞ്ഞു.