കാനഡയിലെ ഏറ്റവും പഴക്കമുള്ള കമ്പനിയായ Hudson’s Bay, 1670-ൽ ബ്രിട്ടീഷ് രാജാവായ ചാൾസ് രണ്ടാമ്മൻ നൽകിയ രാജകീയ ചാർട്ടർ ലേലം ചെയ്യാൻ കോടതി അനുമതി തേടിയിരിക്കുകയാണ്. കമ്പനിയുടെ സ്ഥാപനവും വിശാലമായ ഭൂമി അവകാശങ്ങളും വ്യാപാര അധികാരങ്ങളും സ്ഥാപിച്ച ഈ ചരിത്ര രേഖ, കമ്പനിയുടെ “കിരീടരത്നം” എന്നാണ് അറിയപ്പെടുന്നത്. സാമ്പത്തിക പ്രതിസന്ധി നേരിടുന്ന ഈ റീട്ടെയിൽ സ്ഥാപനം, ഇത് കടബാധ്യതകൾ തീർക്കാനായി 1,700 കലാവസ്തുക്കളും 2,700 പുരാവസ്തുക്കളും ഉൾപ്പെടുന്ന വിലപിടിപ്പുള്ള ശേഖരത്തിന്റെ ഭാഗമാണ്.
1650-കളിലെ ചിത്രങ്ങൾ, പോയിന്റ് ബ്ലാങ്കറ്റുകൾ, പ്രാചീന രേഖകൾ, ശേഖരണയോഗ്യമായ വസ്തുക്കൾ തുടങ്ങി ചരിത്രപരമായി പ്രാധാന്യമുള്ള വസ്തുക്കൾ ഉൾക്കൊള്ളുന്ന ഈ ലേലം പ്രമുഖ ഫൈൻ ആർട്ട് ലേല സ്ഥാപനം മുഖേനയാണ് നടത്താൻ ഉദ്ദേശിക്കുന്നത്. ചരിത്രകാരനായ കോഡി ഗ്രോട്ടിന്റെ അഭിപ്രായത്തിൽ, ഈ ചാർട്ടർ അമേരിക്കയ്ക്ക് സ്വാതന്ത്ര്യ പ്രഖ്യാപന രേഖ എത്രമാത്രം പ്രാധാന്യമുള്ളതാണോ അത്രയും സാംസ്കാരികമായ പ്രാധാന്യം കാനഡയ്ക്കുമുണ്ട്.
“ഈ പ്രാചീന രേഖകൾ കാനഡയുടെ ദേശീയ പൈതൃകത്തിന്റെ നിർണായക ഭാഗമാണ്, അവ സ്വകാര്യ ശേഖരത്തിലേക്ക് പോകുന്നത് പൊതുജനങ്ങൾക്ക് ഒരിക്കലും കാണാൻ കഴിയാത്ത അവസ്ഥയുണ്ടാക്കും,” എന്ന് ചരിത്രകാരനായ കോഡി ഗ്രോട്ട് പറയുന്നു.
ഈ രേഖകൾ ‘Archives of Manitoba’ പോലുള്ള പൊതു സ്ഥാപനങ്ങൾക്ക് സംഭാവന ചെയ്യണമെന്ന അഭ്യർത്ഥനകൾ ഉണ്ടായിട്ടും, Hudson’s Bay കമ്പനി വിൽപ്പനയുമായി മുന്നോട്ട് പോകുകയാണ്. ഈ പുരാവസ്തുക്കൾ സ്വകാര്യ കൈകളിലേക്ക് പോയി പൊതുജന പ്രദർശനത്തിൽ നിന്ന് അപ്രത്യക്ഷമാകുമോ എന്ന ആശങ്കകൾ വർദ്ധിച്ചുവരുന്നു. Hudson’s Bay കടക്കാരുടെ സംരക്ഷണം തേടി, നിരവധി സ്റ്റോറുകൾ അടച്ചുപൂട്ടി, നൂറുകണക്കിന് ജീവനക്കാരെ പിരിച്ചുവിട്ട സാഹചര്യത്തിൽ, പുനഃസംഘടനാ പ്രക്രിയയുടെ ഭാഗമായാണ് ഈ ലേലം നടക്കുന്നത്. ബാധിക്കപ്പെട്ട തൊഴിലാളികൾക്കായി ഒരു ദുരിതാശ്വാസ ഫണ്ടും പരിഗണിക്കുന്നുണ്ട് .
