ജർമ്മൻ സ്പോർട്സ്‌വെയർ ഭീമൻ പ്യൂമ നേതൃത്വത്തിൽ മാറ്റം പ്രഖ്യാപിച്ചിരിക്കുന്നു. മുൻ ആഡിഡാസ് ഗ്ലോബൽ സെയിൽസ് മേധാവി ആർതർ ഹോൾഡിനെ പുതിയ CEO ആയി നിയമിച്ചു. മന്ദഗതിയിലുള്ള വിൽപ്പനയുടെയും “തന്ത്ര നിർവഹണത്തിൽ വ്യത്യസ്ത കാഴ്ചപ്പാടുകളുടെയും” പശ്ചാത്തലത്തിലാണ് ഈ തീരുമാനം. 2022 നവംബർ മുതൽ കമ്പനിയെ നയിച്ചുകൊണ്ടിരുന്ന നിലവിലെ CEO ആർന് ഫ്രുണ്ട്റ് ഏപ്രിൽ 11-ന് ഔദ്യോഗികമായി സ്ഥാനമൊഴിയും. ഹോൾഡ് ജൂലൈ 1-ന് ചുമതലയേൽക്കുന്നതുവരെ ബോർഡ് ഈ പരിവർത്തനം മേൽനോട്ടം വഹിക്കും.
ആഡിഡാസിന്റെ സാംബ, ഗസെൽ പോലുള്ള ക്ലാസിക് സ്നീക്കറുകൾക്കുള്ള ആവശ്യകത വർധിച്ചപ്പോൾ , പ്യൂമയ്ക്ക് സ്പീഡ്കാറ്റ് ഉൾപ്പെടെയുള്ള ഉത്പന്നങ്ങളിൽ സമാനമായ വില്പന സൃഷ്ടിക്കാൻ സാധിച്ചിരുന്നില്ല. 2023 ഒക്ടോബറിൽ ആഡിഡാസിൽ നിന്നും മാറിയ ഹോൾഡ് തന്റെ പുതിയ പദവിയിൽ സന്തോഷം പ്രകടിപ്പിച്ചു, “PUMA കുടുംബത്തിൽ അവരുടെ പുതിയ CEO ആയി ചേരുന്നതിൽ ഞാൻ അവിശ്വസനീയമായ രീതിയിൽ ആവേശഭരിതനാണ്” എന്ന് ഹോൾഡ് പറഞ്ഞു.
വിയറ്റ്നാം, മറ്റ് പ്രധാന നിർമ്മാണ കേന്ദ്രങ്ങൾ എന്നിവയിൽ യു.എസ്. താരിഫ് ഏർപ്പെടുത്തിയത് ബ്രാൻഡിനും മറ്റ് സ്പോർട്സ്‌വെയർ റീട്ടെയിലർമാർക്കും കൂടുതൽ സമ്മർദ്ദം ഉണ്ടാക്കിയ സമയത്താണ് ഈ നേതൃത്വ മാറ്റം. ഫ്രുണ്ട്റിന്റെ സ്ഥാനമാറ്റ വാർത്തയും പ്യൂമയുടെ തുടരുന്ന വെല്ലുവിളികളും കാരണം വ്യാഴാഴ്ച കമ്പനിയുടെ ഓഹരികൾ 10% ഇടിഞ്ഞതായി റിപ്പോർട്ടുകൾ പറയുന്നു.
