ആൽബർട്ട പ്രീമിയറുടെ ആശങ്ക
ഒട്ടാവ: വരാനിരിക്കുന്ന ഫെഡറൽ തെരഞ്ഞെടുപ്പിൽ ലിബറൽ പാർട്ടി വിജയിക്കുകയാണെങ്കിൽ, ലിബറൽ നേതൃത്വം പ്രത്യേകിച്ച് മാർക്ക് കാർണി – ആൽബർട്ടയുമായുള്ള തകർന്ന ബന്ധം പുനഃസ്ഥാപിക്കണമെന്നും അല്ലാത്തപക്ഷം കേന്ദ്ര ഐക്യ പ്രതിസന്ധിയിലേക്ക് നയിക്കുമെന്നും ആൽബർട്ട പ്രീമിയർ ഡാനിയേൽ സ്മിത്ത് മുന്നറിയിപ്പ് നൽകി. ഒട്ടാവയിൽ നടന്ന ‘കാനഡ സ്ട്രോങ് ആൻഡ് ഫ്രീ നെറ്റ്‌വർക്ക്’ സമ്മേളനത്തിൽ സംസാരിക്കുകയായിരുന്നു അവർ. സ്മിത്ത് കൺസർവേറ്റീവ് നേതാവ് പിയറി പൊയ്ലിവ്രെയെ പിന്തുണച്ചുകൊണ്ട് യു.എസ് താരിഫുകൾ പോലുള്ള പൊതു ഭീഷണികൾക്കെതിരെ പ്രവിശ്യകൾ തമ്മിലുള്ള സഹകരണത്തിന്റെ പ്രാധാന്യം എടുത്തു പറഞ്ഞു.
കഴിഞ്ഞ ദശകത്തിൽ ലിബറൽ സർക്കാർ ആൽബർട്ടയോട് കാണിച്ച പെരുമാറ്റത്തെ സ്മിത്ത് രൂക്ഷമായി വിമർശിച്ചു. പൈപ്പ്‌ലൈൻ പ്രവേശനം, ഉദ്വമന പരിധി റദ്ദാക്കൽ, ബിൽ C-69 റദ്ദാക്കൽ എന്നിവയുൾപ്പെടെ പ്രധാന ആവശ്യങ്ങളുടെ പട്ടികയും അവർ മുന്നോട്ടുവച്ചു. ലിബറലുകൾ വിജയിക്കുകയാണെങ്കിൽ ആൽബർട്ടയിൽ കാര്യമായ വിഭജനവാദ വികാരം ഉള്ളതായി അടുത്തിടെ നടത്തിയ ആൻഗസ് റീഡ് പോൾ കാണിച്ചതായും അവർ ചൂണ്ടിക്കാട്ടി. ഒരു പുതിയ പോളിൻ പ്രകാരം, ലിബറൽ പാർട്ടി അധികാരം പിടിച്ചാൽ ആൽബർട്ടയിലെ ആളുകളുടെ 62 ശതമാനത്തോളം പേർ കാനഡയിൽ നിന്ന് വേർപിരിയാനുള്ള സാധ്യതയെക്കുറിച്ച് ഗൗരവമായി ആലോചിക്കുമെന്ന് പ്രീമിയർ ഡാനിയേൽ സ്മിത്ത് പറഞ്ഞു.
മാർക്ക് കാർണി ഊർജ്ജ പദ്ധതി അംഗീകാരങ്ങൾ ലളിതമാക്കുമെന്നും പ്രവിശ്യകളുമായും തദ്ദേശീയ സർക്കാരുകളുമായും സഹകരിച്ചു പ്രവർത്തിക്കുമെന്നും വാഗ്ദാനം ചെയ്തിട്ടുണ്ടെങ്കിലും, ഫെഡറൽ സന്ദേശങ്ങളിലെ വൈരുദ്ധ്യങ്ങൾ ചൂണ്ടിക്കാട്ടി അദ്ദേഹത്തെ വിശ്വസിക്കാൻ കഴിയുമോ എന്നതിനെക്കുറിച്ച് സ്മിത്ത് സംശയം പ്രകടിപ്പിച്ചു. കാർണി പറയുന്ന വാക്കുകൾ അദ്ദേഹം എവിടെ സംസാരിക്കുന്നു എന്നതിനെ ആശ്രയിച്ചാണ് മാറുന്നത്, എന്ന് അവർ കൂട്ടിച്ചേർത്തു. ഇരു പ്രവിശ്യകൾ തമ്മിലുള്ള സഹകരണം രാജ്യത്തിന്റെ തുടർന്നുള്ള വികസനത്തിനും സ്ഥിരതയ്ക്കും അത്യന്താപേക്ഷിതമാണെന്ന് സ്മിത്ത് അഭിപ്രായപ്പെട്ടു.
